October 3,2021 ni-in Tuimang khua atung masa bawng teng Hausa pa in Meeting sam aa, mi 50 kim pha uh hi. Tuimang khua tangthu laibu bawl ding cihthu Meeting agenda ahihi. Hausa pa in hausa min tawh a sap hilo in khuasat te lak ah khat ahi Pu Dongh Khup suan ahihna tawh a sap ahihi.
Meeting sungah Pa Thang Cin Khual in khuasat kuateng ahia acihleh Hausa pa in, khuasat teng sim suksuk in, Pu Tlei Thang paasak lo uhhi. Pu Tlei Thang mun ah Pu Sawm Neng ( Cin Za Kam pute pa sak hi).
A tomin Laibu bawl ding thukim uh aa, a bawngbawng panin laibu Committee ding mi 3 hong ki seh unla, October 10,2021 teh Meeting kik ding tua ah hong puak un cih tawh Meeting khensatna nei uhhi.
October 4,2021 in Pu Dongh Khup suanlo teng Pa Cin Za Mang ten Meeting kik uh aa, Laibu bawl ding thukimlo kik uh hi. Khuasatna ah Pu Sawm Neng na paasak uhzong manlo hi cih thu gen ban ah, Tuimang khua tangthu tawh kisai Laibu bawl ding thu kimlohna uh hih anuai atengin Hausapa Khen Lian Pau kiangah pai in thu gen uh hi. Hausa pa in a dawnna ding a theikei hi.
Pa Go Za Dal
Pa Kam Cin Thang
Pa Cin Za Mang
Pa Piang Khan Khai
Pa Thang Cin Khual
Pa Cin Khan Tung
October 3, 2021 in mai nipi October 10,2021 ciangin Meeting kikni, Laibu bawl ding na ut uhleh a bawngbawng panin, Laibu Committee ding mi 3 zong hong ki seh un acihpen, 10 October 2021 ni in, Laibu bawl ding thukimlo in, Meeting kah kuamah aom kei uhhi.
Tuimang khua mite sung panin aki bawl khinsa te laibu sung i sim ciangin Khuasat inn 8 lak ah Pu Sawm Neng a gelh kuamah om ngeilo hi. Pu Tei Thang a gelhlo omlo hi. Tuimang khua mi panin Laibu aki bawl ngei teng anuai ah;
1. A 24 vei TTBA khoppi leh Tuimang khua Pasian thu tunzawh 1927-1999 Diamond Jubilee
2. Pu Dong Khup leh Tuimang khua tangthu 2019
3. Tuimang Mualsuang 2021
Tangthu aki gelh ciangin, mit muh hilo, aki kante aki gelh ahih manin, i kanna te min, laibu ahihleh laibu min, mi tung pan i zakleh ami min...cihte aki gelh tangtang ahihi. Tua i gelh keileh phuah tawm tangthu ahihi.
0 comments:
Post a Comment