Tuimang leh Mauvom vai ~Pu Kam Ngaih

 MAU VOM KHUA LEH TUIMANGGAM THU

Agelh: Pu Nang Za Kam

Thu khat peuh peuh ih gen ding ciangin ih ngaih sut ding Thu in,

(1) Pasian zahtak ding kisam masa hi.

(2) Kumpi Thu neite zahtak kul mahmah hi.

(3) Khua khat leh khat ki zahtakna ding kisam mahmah hi.

(4) Ih khua sungah Thu manthu tak (truth) kua tel ding hiam Thu dong masa ding hi.

(5)Khua kim khua vengten ih gam om dan hong theihpih Thu te zong thei huai Thu ahihi.

Kei Pen kum 78 ka pha ta hi ing. Mauvom khua ah U Dal Suan leh U Thang Khaat Pau upa om lai ding hi. Mauvom khua Sat tu te Pu Dam Kam Malkual(Circle Charman No (8) Ah sem ah tapa U pen Pu Thang Khan Pau dam lai hi. Cikha khua ah om lai in kum 80 Val ta ding hi.

Kum 1966 hun in 

Mauvom khua Hausa

1. Gin Za Kham

2. Dam Kam

3. Sut Thang

4. Thawn Khua Pau

5. Gin Za Dong

Tuimang Hausa

1. Khup Za Khen

2. Thawng Khan Go

3. Gin Khaw Thang

4. Cin Zen Pau

5 Thual Dam 

Hih teng 10 ten nai 10:00AM, hun in Mauvom Saipi mual leh Tuimang khua ki tuah na Lamka pi ah ki mu khom uh hi. Hih thu hong kai khawm pen Gin Za Kham ahihi.

Mauvom panin Gin Za Kham in Thu ong gen masa hi. Ko Mauvom gam Galsuangpan Duhlian khua mun ciang hi hong ci hi.

Tuimangkhua panin Gin Khaw Thangin no Mauvom gam lim nong pua uh hiam cih dawng kik hi. Gin Za Kham in ko neilo ci hi.

Pu Dam Kam in Kawlgam Independent ngah ciangin Tedim zum pan in Mangkang hun lai ah Khua Hausa te lai ngah khempeuh te hong puak un cih ong om ciangin puak khin ung cih thu Pu Dam Kam in gen khia hi.

Gin Za Kham in no Tuimang ten gamgi laibu nong pua uh hiam cih hong dong leuleu hi. Hausa Khup Za Khen in ko ah hih dan hi ven cih hong lak khia in mihing 10 ten ah muh uh ciangin Gamgi Khen na lai Orginal khut tawh ki at giat pen kum 1928 kum ki bawl lai dal ah hi hi.

Hih Thu teng en khawm uh ciangin Pu Dam Kam in ih Pu ih Pa te ki it ki ngai diamdiam lai no khangthak te Hausa nong sep uh ciangin Thu khual lo in mawk gam tat nawn kei un cih kam hong pau ciangin hong ki ho thei in gamgi vai buaina te gen nawnlo in hong ki khen uh hi.

TUIMANG khuasat kum 1896

Mauvom khuasat 1897  

Tua hun 1966-69 sung gamgi vai ki buai ngeilo hi.

Nihveina Mauvom ten gamgi hong tuh hun uh, Kum 1993 Mauvom Hausa Vung Khan Suan, TuiMang khua Hausa Cin Go Lian hi.

Hih hunin Tuimangkhua in Lamka pi kimteng Lo ki kho in Mauvom te Bawnghon ten Buh hong nek sak in Bawngkam tuam hong pia nuamlo in Tuimangkhua Lo nei ten Tonzang zum ah ki puak hi.

Myone ten Mauvom leh Tuimang Tonzang ah Thu sit ciangin Mauvom ten ko gam hi Bawng kamtuam pia ngeilo ding hong cih ciangin Mauvom ten gam hong tuh taktak dan maw ci in FALAM District office TUIMANG in Taisa ki khia hi.

FALAM DC ten Thu hong sit in, no TUIMANG ten kogam hi na cih thei na Thu leh lamlim မြေပုံ na nei uhhiam cih hong gen in ko TUIMANG gamgi map ka lak pah theih uh hi.

Mauvom khua Gin Za Dong kiangah no Mauvom ten Gamgi lai nong pua uh hiam acih leh pua mah ung ci in lak pah hi.

Mauvom te gamgi lai pen မြေစာရင်းဦးစီး PiangCem bawl tawm ahihlam theih pah uh hi.

Tuimangte Gamgi lai pen orginal ahihlam tel pah uh hi. FALAM Thu sit na panin MauVom khua tangin Gin Za Dong Pai hi. Tuimang khua tangin Zam Khen Thang Myone council President sem pa pai hi.

Hih Hun in zong Falam DC pan Tuimangkhua in Thu ki zo hi. Tudong Mauvom ten Bawmkam tuam hong pia nai lo uh hi.

Kum 2004 hun ciangin Tuimang khua Hausa Zam Sian Thang Leh Pau Za Khen Cikha ထွေအုပ် zum ah meeting khawm kha uh a meeting man ciangin a pua lam ah Pau Za Khen in nang Tuimang Hausa Pa maw cih dong hi. Tuimang Hausa Pa in himah ing acih khit phet in Pau Za Khen in ka gam uh nong tuh uh Thu manlo hi cih gen kik hi. Tuimang Hausa Pa in ko no gam hong tuh ngeilo no Mauvom ten hong tuh den hi uh teh cih dawng kik hi.

Pau Za Khen in tun kei ong ki pan dinghing laulo hing kong lel leh ka Lutang leh ka Pumpi ki khen hen ci-in amah leh mah ki ciam hi. Dated 4-7-2007 India Lamka khua ah si ta hi.

Tuimang Hausa in tu ma in FALAM ah kongzawh sa uh hi ci in ki khen uh hi. Hih kum pen 2004 hi dinghi, hih kum zong Mauvom ten gamgi suangphuhsa December zanvak ni zan in bot khia uh hi.

Dated 20-9-2004 Hun in Falam DC,Office, Thu ong sit in Tuimang khua in ki zo leuleu hi.

Mauvom khua Ai Pau Za Khen Tuimangkhua ai tangin NangZa Kam leh Sia Cin Za Mang pai in, hih lai mun ah zong Pau Za Khen Gamgi lai pen PiangCem မြေစာရင်း ဦးစီးမှုး BAWLTAWM ah hi hi.

Hih Piang Cem Tonzang ong tun ciangin khua khat leh khat gamgi vai buaina pia get mun leh khua te,

1-HAICIIN gam LINGTHUK TE tuh zo lo,

2-TUI MANG gam MAU VOM ten Thu zo lo,

3-KHUADAM gam SUANGZANG ten tuh zolo,

4-KANSAU ZANG lei Upa gam luah ding pen Zi kik ta ngah sak TUAL Do Pau in Thu manlo in gum hi,

Thu tampi gen ding om lai hi,

Gamki suante thukkik na Laisiangtho ah kim tak in ih mu khin hi, ZOMI khempeuh theih ding ah TL, MungBawi Video tawh YouTobe Thu gen pen Thuman loh na hong gen hi ing.

Tuimang khua in gam hong gen den in tua mun pen sawtpi hong kawm uh hi na pi hong tuh uh hi acih pen Thu manlo hi.

Hih Mauvom leh Tuimang gam buai na mun in Saipi mual leh Mauvom khua ki kal ni tum na lam ah hi hi.

Tuimangkhua ten Mauvom gam ka kom den na mun pen Vaivet leh Mauvom kikal Tangat lui leh Tuivel lui ki kal hi aa, ko khua in Mauvom gam tangat tang Bual tang cih in lo ung.

Sia MungBawi gen tawh ki tuaklo hi,

Tuimang Gam gi leh Mauvom gamgi cihte a tel mah mah khua te, Luangel khua leh Saipi mual khua, ko Tuimangkhua in lo ka hawm uh ciangin meikhu zui in lo ki la hi.

Meikhu ah khiat na in inn nei masa, lo la masa hi pah hi. Ko lo lak na mun uh ah kigi suang ki phut pah pah hi.

Tuimang gam leitung pen Ko kupai(ကိုယ်ပိုင်နေမြေ cih dan hi in lo ki nei ciat hi, khual tai om leh zuak theilo hi.

Ko tung siah Mauvom Vaivet tung siah mal gam lam tengin tang gam ci in lo ah hawm uh ciangin lai Sawm uh hi,အောင်ပါလီ Dan inlo la uh hi,

THU MAN THU TAK (truth) Pasian in thei hi,

THU ZUAU(Deceive)

Pasian in thei hi.

Thu khen mang (High Court God have).

Thu tel nuam na om uh leh phone number 6154242708, ka Fb Kamngaih

Dotnop Thu om leh ki Contact thei hi,

Pu Nang Za Kam

Read More(Simbeh>>)

Thusuah: Tuimang Vontawi USA in Mauvom tawh buaina

 ATHU: TUIMANG LE MAUVOM GAMGI VAI THUSUAHNA

Leitung mun tuamtuam a om Zomite tungah Tuimang le Mauvom gamgi vai thusuah na kong nei uh hi. Mangkang Kumpi in Zogam ah Ukpi sem dingin akipsak kum 40 (1894-1934) sung kizom ukpi a sem Pu Hau Cin Khup in 1896 kumin Tuimang khua gamgi hong bawlsak khin hi. Tua hong bawlsak gamgi, gamlai/gamlim Mangkang kumpi tungah a ki puak masa pengamlim (original gamlim) ahi hi. Tua a kipan in logam in kineito den in, tuni ciang dong Tuimang in ki kho den hi.

Ko Tuimangte’n Innmun logam a thupisakte ka hi uh a, tua mah bangin inn huang ahi zongin, lo gamgi suangte hoihtak in, a phut sitset khuate ka hi uh hi. Tuimang khua kisat a kipan tuni dong logam a kinei ciat hi a, khua dang pawlkhatte dan in lo khawhna mun dingte, mee sawk in lo gam a teelte ka hi kei uh hi. Pu le Pa hun pek a kipan Tuimang khua in, Pupa logam (ကိုယ်ပိုင်ေြမ) a nei dimdem khua ka hi uh hi. Tua bang hi napi in, Mauvomte’n Tuimang gam hong tuh zelzel uh hi. Mauvomte’n Tuimang gam a nunung pen hong tuhna uh tawh kisai in, 2005 kum in Kumpi thu khensatna a om khit nungin, Tuimang le Mauvom gamgi vai buaina cih a om ngei nawnlo ahi hi.

April 2026 Tuimang le Mauvom Gamgi Buai Kipatna

2026 kum lokhawhna tawh kisai in, Mauvomte‘n a lo hawm na-uh, Tuimang gam lam ah lociing 2 ( Inn 2) hong vat sak uhhi. Hih thu a kitheih ciangin, Tuimang Hausate’n kamtawh ahi zongin, Lai tawh ahi zongin thu zasak pah a, Tuimang gam sung lo vatte a khawlna dingun gen uh hi. Tua ciangin Mauvom Hausa Pa Dai Khan Suut le ZYA Makaipi Pa Go Khup Mang te Tuimang gam lo vatsak khakna hangin, a vai thuum dingin Feb 15, 2026 ni-in Tuimang ah pai uh hi. Tuimang Hausapa khualzin ahih manin Hausapa hong tun teh hong pai kik un ci-in ki ciahsak kik hi. Tuimang Hausapa khua a tun ciangin Mauvomte kiangah lovatna vai kiho dingin hong paikik un ci-in ki vai khak hi. Mauvomte Tuimang lam pai nawnloin Pa Thangpek (Mauvom) makaihna tawh Zogam Vaihawm Committee zum Cikha pai in,Tuimang gam tuhna LAI ( တိုင်စာ) na khia zawsop uh hi. A thuum dingin Tuimang khua a paikhinsa a bang hangin hi bangin kalsuan zawsop cih pen lamdang kisa mahmah hi. 

Pa Thangpek maikaihna tawh ZVC ah Tuimang gam tuhna lai aki khiatna hangin, ZVC in Tuimangte a sapna tungtawn in, April 13, 2026 ni-in Tuimangte ZVC, Cikha ah pai uh hi. Tua lai ah Tuimang pan a pai upa, makaite’n abeisa Tuimang le Mauvom gam kituhna le Tuimangte zawhna laipi teng pua-in tuate ZVC tungah lak thei hi. Ahih hangin ZVC te’n tua laite (documents) thudon sak lo uh hi. Tua ban ah ZVC te’n khua veng Hausa Luangel leh Vaivette zong sam in, Tuimang le Mauvom gamgi vai tawh kisai in, thu dotna nei uh hi. Luangel le Vaivet Hausate‘n hih buaina gamnei pen Tuimangte gam ahih na thu limtak in gen thei uh hi. Tua bang hi napi in, ZVC te‘n hih Hausate thugenna thusimsak lo uh hi. 

Tua ban ah, Mauvomte’n Lai Siangtho nam a kiciamna neih ding thu a gen uh ciangin, ko 

Tuimang khua te’n zong kiciamna neih ding ka lungkim uh hi. Ahih hangin ZVC zum pan

makaite’n kiciamna neih ding lemsalo uh hi. Thugen tuahna teng aki man khit ciangin ZVC 

Makaite, Mauvom ten’ Tuimangte a tuhna munlegam, a phual ah pai dingin, thukhensatna nei uh hi. April 14, 2026 ni-in Mauvomte’n Tuimangte gam a tuhna amun en dingin ZVC makaite leh Mauvom te tonkhawm in hong pai uh hi. 

Tuimang panin mi 6 pai ding ahih hangin, khuazang in Pulepa gam ahihna thei sitset ka ahih manun hehlua in mi 100 val bang thu ngai dingin kipai hi. Tua lai mun ah mipi khangno pawlkhat heh lua uh a, khut tum le kampau khial om kha mah ta leh, kiphelh in, ki phelhzo hi. 

Tua ni in ZVC makaite in, Hih mun pen Tuimang gam hi, ci in tangkona kician tak in nei hi. 

Tua bang hina pi in, ZVC makaite Cikha zum a tun kik ciang un, thulela kilamdang a, “Ko hih 

gamgi vai mawhpuak la zo nawnlo ka hihman un ka khut uh ka sil uh hi ci-in,“ ZRA-EC tungah Tuimang le Mauvom gamgi vai apna nei uh hi.

Leitung bup Tuimang Vontawi Kipawlna in ZVC le ZRA-EC Khensatna tawh kisai Thumanlo ahihna leh ka Thukimlohna uh kong tangko khia uh hi.

 Bang hang hiam cih leh,

1. ZVC le ZRA-EC in gamgi vai pen ko sep theih hilo hi, hong uk kumpi tawh kisai hi ci napi-in, khawhtheihloh (တားြမစ်နယ်ေြမ) dingin hong koih sak mawk uhahih man un, thuman ka sakei uh hi.

2. Khut khial ci in, a lo-gam nei Tuimangte Rs.150,000 (MMK. 6,750,000 Kyats, teng 67

leh tul 50 ) hong kiliausak mawk hi. A khut khial taktak mi lo-gam ngetloh in avatsak Mauvom khuate aliau ding hizaw lo ding hiam? Hih khensatna zong thumanlo, langlek in, human right violation leh discrimination ahi hi. 

3. Zo ngeina ah khut khialhna khat a om leh sisan kiluanin gan si tawh kithuumna kibawl 

hi.a, Tuimangte logam a khawhsawm, Mauvomte a thuum ding akizo khinsa kimlai, bang hangin ZVC office ah တိုင်စာ tun zawsop thei hiam? ZVC in kilemna a bawl ding kimlai thu hong sosang sak hizaw hi ci in tuipi gal Tuimang Vontawi USA in kong ciamteh uh hi. 

4. April 15, 2026 ni a, ZRA-EC leh ZVC thukhensatna pen Myanmar Government 2005 kuma, kumpi thu khensatsa tawh akileh bulh in hong gamta nahih manun, no tungah thu a khen dingin leitung bup Zomi khempeuh leh Central ZRA Office tungah hih thu tawh kisai a kilawm bangin vai nong vansakna dingun zahtakna lianpi tawh kong zasak uh hi. 

5. Mauvom khua hausa te leh Pa Thangpek a ngongtatna in, Mauvom khuazang a minsiasak hilel hi. Makai pawl khat ngongtatna hangin khua nih hong nawngkaisakte thuhilh huai mahmah zaw hi. Ih minam, ih gam akem, ahung, acing ih hih manin khua khat leh khat kisiatloh theihtheih na dingin hanciam huai mahmah zaw hi. 

Tuipi gal ah a om Tuimang vontawi khempeuh ( USA, Australia, Malaysia) in lung 

kituak takin hong tangko ka hi uhhi.

Kipawlna Aitangin,

Pa Tuan Muan Dam 

 President

 Pa Go Suan Muang 

 Secretary 

Statement Date: April 21, 2026 

Read More(Simbeh>>)

Tuimang leh Mauvom gamgi mi 100 val a paina thu

 Tuimang te mi 100 val apaina thu

April 13, 2026 ni in Zogam Vaihawm Committee (ZVC) ten Cikha amau zum ah Tuimang leh Mauvom lamte sam aa, a Tetti dingin Vaivet hausapa leh Luang el hausa pa zong sam uh hi.

Atomin gensuk pahleng:

ZVC ten hih gam buaina mun pen kuakua in Kho theilo ding, a lungkimzolo ten gam hoih hunteh kumpi zum ah lai khia thei ding hi ci uhhi.

Hih thupiak( ZVC ten #Thupiapah) a nawng kaisak aomleh ZVC zumpi a nawngkaisak in ki ciamteh ding aa Action kila ding hi cihi.( Mauvom leh Tuimang thukimna omlo in ZVC ten thupia ziau dan hi. Amau laisuahna isim teh)

A tawpna gual ZVC laisuahna  ah: Buaina mun a Leitang mahmah ah etna ki neih khit ciang, hih bang thu khenna ki neih ding hicih gelh beh uhhi. ( khensat sa hita).

Tuimang te mi 6 asapna panin mi 100 val April 14, 2026 gamgi ah apaina pen April 13, 2026 in ZVC ten Gamhoih mateng kuakua in Lo kho theilo ding cihthu Thu khensatsa neih uh ahih manin Mipi alungkimzolo ahihi. A beisa in gamlai dalpi tawh kumpi ten Thu akhensat khin hi aa, ZVC ten kuakua in Lo kho theilo ding acihteh Mauvom te lam ah apang khin hita hi. Gam laidal ki en thei, Luang el ten zong Mauvomte tawh ki gamgi kei ung cih Tetti zong om khin hi.

Hihmun pen maikum teh Tuimang ten Lo a ki khawhna ding mun hi aa, ZVC ten kuakua in Lo kho theilo dingin Thu na piapah mawk ahih manin Mi 500 val apai zongin siatna omlo hi. Tuimang te aki dik theilua zaw ahihi. Amau hileh go lum ding, inn hal ding cilai uncei.

Tuimangte gilo deuh aci neknuk zong om hi. Tuimang inn 200 val, Mauvom inn 50 kimin, mi dangte muanna tawh hih munpen Tangtawng pek aa, Mauvom ten Lo khoh lohna mun, Tuimangten Lo a khawh denna hong tuh nuam den cihpen amau hizaw leh akhua zang un, khua panin hong hawl khialai uncei. Aki nemlua zaw hi.

Kampau hoihlo, Thatang suang cih tawh ZRA-EC ten Cikha ZRA-EC zumpi panin India sum Rs/200,000 hong ngetlak panin hong khiamin Rs/150,000 ah hong Liausakna thu zong ZRA-EC zum ah ki ciamteh kha lai ding aa, Leitungbup Zomi tenzong ki ciamteh pah hi.

Kampau hoihlo leh Thatang asuang na om uhleh hih bangin ZRA-EC ten thu hong khen ding hi cih Zogam aom ten na ciamteh un.

Note: Hih khut gelh pen Zomi Vaihawm Committee ( ZVC) te gelh hi. Tuimang khua ten mi 100 val ki mawk pai ahihloh lam Social Media ah a tello tampi theih dingin gencianna ahihi.

Zogam Vaihawm Committee makai te

1. Pa Lian Mun Suum -President (Suangzaang)

2. Pa Kap Khen Pau -V President (Tuimang)

3.Sian Za Mung -Secatary (Suang Hoih)

4.Go Deih Piang V-Secatary (Tuimui)

#Theihding hih Gam buaina vai ah President pa leh Secretary te nihte bek khensat hi aa, a dangten ko hong theihsak kei uhhi ci thu om hi.

Read More(Simbeh>>)

ZRA-EC in Tuimang te Rs/200,000

Tuimangte Sih hehmah lo dia

Thatang suang, kampau hoihlo zang uh aci ten na ngai un. Maikum ah Lo ka vatna ding mun uh Mauvom te Pa Thangpek bek in Tuimang gam nungkum November kha in vat hi. Tuimang hausa mintawh thudam in na vat nawn kei in kicici aa, zum ki tunlo hi. Na vat teitei ahih manin kici kik leuleu aa, aman ZVC ( Zogam Vaihawm Committee, Cikha) zum ah hong khia zawsop hi.

ZVC ten Tuimang leh Mauvom te hong sam aa, Gam gi lai gina tak in en aa, khensat ziau ding pen, Mauvom ten na zo khin uh hilo dia, a phual ah Gi suang en dingin khua khat pan mi 6 sam uhhi. Tuimangte gamlai dal umlo aa, gamgi suang en in a pai ZVC te athuman keileh cih bangin Mipi te kampau khauh mah hi. Gamgi suang mu khinta, gamgi en khinta, Mauvom te kiangah zong thudot dingteng dong uh, pau theilo uh, gamgi suang mit muh in om ahih manin, hih banga ki neubawl ci in mipite ki sih hehmah hi. Thuman bangin a khen nak uhleh ZVC te adingin zong hehnang thuzong om vetlo hi. ZVC ten sum duhlua deuhsam hi.

ZRA-EC ten India sum Rs/200,000 ( tengnih) Tuimangte hong liausak hi. Ahang pen mipi ten Thangpek na vua kha, sisan naisan a suah cihzong hikei ee, ZVC te kiangah gamgi suang mu khinta Thumanlo in thu na khen ding uhleh cih bangin kampau hoihlo na zangh mah uh, Thagum leh kampau hoihlo zat man Liausum ZRA-EC ten India sum Rs/200,000 a ngam uh aa, Tuimang khua makai ten athum uhteh Rs/150,000 cihtawh ki lemna ding na geel uhhi. Hihpen Gamgi vai hi nawnlo kampau leh thagum suanna hang hi.

Pa Thangpek leh ZVC ten ZRA-EC tungah kampau, khut khial te na teng hong khia uh aa, ZRA-EC ten na Nih tuak un ki lemna na bawl unla, na ki lemzawh kei uhleh Laiusum cih dan khatzong ki ho na om masa leh hoih ding hi aa, Tuimang te mawhsak in Liausak cihpen ki lungkimzolo hi. Gamgi vai thu manlo aom manin kampau ki khauh, thatang ki suang kha suak ahih manin, Thatang suanvai leh kampau hoihlo vai Zongeina tawh ki thum masak masa in hileng alem ding hiven.

Mauvom in Tuimangte Lo gam Singkung bangzah phuk aa, zawhthawh thutawh hih bangin hih cihpen Tuimang khuami khempeuh ki lungkimlo hi. ZRA-EC tenzong Mauvom te gamgi lai leh Tuimangte gamgi lai en aa, Mauvom te Lo vatna mun Mauvom te ah ahihkei leh Liausum hong piaksak pah ding uh hiam cih nop huai hi.

Tuimang ten Lo gam ki neih in, ko khua leh ko khua zong, mi Lo gam pen ki vatsaklo hi ung. Tuimang gam sungah Lo gi suang cihte ki phut dimdem hi. Lo zong ki mawk neihlo aa, Inn meikhu in ki pai ciatciat khua hi. Lo gamgi vai zong Tuimang Hausa laibupi sungah om dimdem hi.

Mauvom te Tuimang gam hong tuh hangin hong zo ngeilo bangzah vei hong tuh aki cingin hiah ki sim thei hi👇

https://tuimangvontawi.blogspot.com/2026/04/tuimang-te-gam-mauvom-ten-atuhna.html?m=1 

#Tuimang

#ZRA

#ZVC

Read More(Simbeh>>)

Tuimang te gam Mauvom ten atuhna

 Tuimang Khua leh Mauvom gamgi vai

Khuaveng Mauvomkhua leh Tuimang khua nisuahna lam gamgivai buaidenna thu ah keizong 2003 anunungpen (PaZamSianThang hausa seplai )Cikha ထွေအုပ်zum ah ဌာနပေါင်းစုံ in langnih tuak thusit uh ah keizong Kawlpau tawh siamlopipi mah kamlet ding in Hausa upa nulehpa te hong sehna dungzui-in kamphenna kava neihsak thei hi.

 Mi4 te tellai-ingh.

1.Zam Sian Thang

2.Nang Za Gen

3.Nang Za Kam

4.Gin Khan Kap

5.Dam Khan Pau(zong

mawle khathi)

Hih thu teng pen Cikha pan Tonzang puak, tuapan Falam District(ခရိုင်)zum dong puak uh aa, 2004 kum sung sawtto hi.Tua laitak hausa sem Pa Zam Sian Thang zong Falam dong ah 2 vei va phavngei hi. Gamvai cihteh hausate bek hi thei nawnlo-in khua sung pan muanlehsuan zawk deuh teng kikumkum zel in Tuimang gam ahihna thute kaikhawm in Siapi LanghKhanSum tawh kawllai in khenkhehsak in Falam ခရိုင်ဦးစီးမှူး pa tung puak dingin Hausate sawlna zui-in 2004 September kha sungin Pa Nang Za Kam tawh kava pai uhhi.(မှန်လုံhunlai).

Tuimang gam ahihna thute khangthak ten i ciamteh dingleh theih huai thu pawl khat kong gelh nuam hi.

1. Tuimangkhua မကွေးမင်းကြီး ii (ရွာသူကြီးခန့်စာ) Hausa laipi sungah gamgi paina tengzong (A.S)Tedim နယ်ပိုင်ဝန်ထောက်(လက်ရေးမူ) khut gelh ngaitawh om khawm pah ding hi. 

2. Tuimang ten ကိုယ်ပိုင် lo in ki neih den ahih manin ki gi suang ki phut ciat hi. Khua vengten mee sawk maw? Meikhu maw cih bangin sem uh aa, ki gi suang neilo uhhi.

3. Lo hawmna meikhu sazianbzong ki neih hi. Hausa zum ah kikem hi.

4. Pupa hunlai gam kituhna om ngeilo aa, Pu Khup Za Khen hausa seplai 1964 kumin Mauvom ah U Gin Za Kham hausa sepciang(1)veina gamtuhding hong kipan uhhi. Amun ah paituak uh aa Mauvomte laipi ettheih ding omlo in, Tuimang te Laipi enthei uhhi. A vek un Tuimang gamhi ci-in thu kimtuak uhhi.

5. 1964 kum mah in Saipimualte inn 5 khawngin gamkawm ding Zongeina tawh Tuimang ah hongpai a na phallo uhhi. Lo na vat teitei uh ahihman in tualaitak Cikhamyouk U Kham Khan Pau tung kikhia uhhi. (Mauvomte gam ahihloh mah bang in amau tawh buaikha vetlo cihna hi.)

6.1989kum Pu Dam Khan Pau hausa seplai in zong Mauvom ten gamdawk taksing atsim uh aa, lai a kipiak ciangin Tuimang (ရဝတ)hausazum ah Zongeina mah tawh hong thum uhhi. Hausaten akilawm akituak liaudan piak ding aseh uhteh hong pianuam nawnlo-in U Piang Cem(tualai Tonzang မြေစာရင်းဦးစီးpa)Puanbu, Hero စက်ဘီး;kukar leh suankual te golhgukpia kici in gam laipi khat luangellui, suangtumlui-taanlui ah pai sak in na bawlsak uhhi.

7. 1990 kum Pu Dam Khan Pau hausa sepsung mahin hih atunga U Piang Cem bawlkawmsak agamlaipi cih uhtawh Cikha galkap စခန်းah တပ်ခွဲမှူးဗိုလ်ကြီးလှသန်းtungah a(2)veina gamtuh in hongtai(တိုင်) uhhi. ဗိုလ်ကြီးလှသန်း ( Boo Lahtan) in amun ah langnihtuak mai ah သစ်သုံးမြေပုံ၊သံလိုက်အိမ်မြောင်leh laipi tuak enkhawm in, "Tuimang gam hizaw hi, " ci inn thukhenna pia ngei khin hi.

9.1991kum gamdawk lo kho inn(17)te lo ah Mauvomte bawngte ta gawp ahihman in gan kamtuam hongthum uh aa, piakding thukimkhin himah leh Tonzang a om USl Suan Khan Kap(မြို့နယ်စာရင်းစစ်)ii tawsawnna tawh pia nuamnawnlo(nang) uh ahihman မြို့နယ်တရားရေး zum ah kikhia in Tuimang Lo neih tenzo uhhi.

10. Mauvomten gamdawkpen "Tuimangten Zongeina tawh hongngen uh aa, gam hong kawmzel uhhi"ci'n agen uh pen manlo hi.

Pupa gamgi khen amau gamsung lambel gam ki kawmngei mah aa, tua hong tuhzelna uh gamdawkpen ကိုယ်ပိုင် lo ngeina in ki khoden hizaw hi. Amau hong khembawl ziauna hilelhi.

11.1993 kum Pu Cin Go Lian hausa sep hun in a(3)vei gamtuhna Tonzang ထွေအုပ်zum ah hong nei leuleu uhhi.

Tuazong mi 3 tuak thusit in Mauvomte gamgi cih pen "ကွေ့ပတ်lua ယုတိ omlo lua hi.Tuimangte genna bang in "Duhlian khuamun pan tangatlui nak ah Tuivelluinak ah Ngalsuangmual suangphuh မှတ်တိုင် ah ka kipsak uhhi."ci'n thukhen ta uhhi.

12. 2003 kumteh Falamခရိုင် ahအယူခံ to uh a 1993 lai a thukhenna bangmah in hong kipsak leuleu uh ahihi.

Siapi Cin Za Mang

Read More(Simbeh>>)

Pu Cin Khan Khup in UPC Tuimang biakinn honpawi

Pu Cin Khan Khup in Tuimang Zion UPC biakinn honpawi aa, lungdampihna thugenna hi.

Read More(Simbeh>>)

Tuimang Khua tangthu Laibu bawl ding vai Meeting

 Tuimang khua tangthu bawl ding Committee puakding vai ki kupna

Amun Pa Thang Cin Khual inn

Ani : 8 October, 2021

Meeting kahteng

1. Pu Go Za Dal

2. Pa Kam Cin Thang

3. Pa Dam Khen Mung

4. Pa Cin Za Mang

5. Pa Piang Khan Khai

6. Pa Thang Cin Khual

7. Pa Pau Khen

8. Pa Cin Khan Lian

9. Pa Cin Khan Tung

10. Pa Cin Za Nei

11. Pa Dam Go Tuang

12. Pa Hau Kap Thang

13. Pa Thang Deih Cin

14. Pa Pau Khan Sing

Thu kikup leh khensatte

Tuimang khua tangthu bawl nang committee puak ding Hausa pa hong zasak mah bangin hoih kisa in, ahi zongin Tangthu abul a kipan anuai a bangin sut ding thu sung phot in thukim zawh leh ih tangthu bawl ding ki thukim ciat hi. San zawhloh thukim zawhlohna aomleh Committee te zong puakloh pah ding ahihi.

1. Tuimang khua pen Falam khua phuh hihna- ( Gam hawl kholhna pan )

2. Khuasat pupi (8) teng:  

(1) Tei Thang ( Guite)

(2) Dong Khup ( Guite)

(3) Vungh Tung ( Guite)

(4) Phut Dam ( Neih Khup)

(5) Lam Sual ( Suante)

(6) Gen Tun ( Guite)

(7) Ngoih Sut ( Guite)

(8) Sum Lam ( Suan Khup)

3. Falam uk hun sung Hausa Pu Tei Thang hi in, Ukpi gam hong ki khen khit ciang Pu Hau Cin Khup ( Sukte ukpi) nget bangin Sial khih nuamlo, bia nuamlo ahih manin, a inn ki phuksak a Bapi ah tai hi.

4. Pu Hau Cin Khup tungah Pu Dongh Khup in Sial khat leh Dangka Rs/110 tawh khuatan in, a dam sung Hausa sem, a tapa Pu Sawm Khaw Thang khangah, Pu Khup Za Khen khangdong ah khang 3 ki zomin Hausa sem toto in, tuni dong khua kip in khangtoto hi. Pu Sawm Khaw Thang hun ah ( 1928) hon guk Mangkangte ( Falam D.C) panin gam laipi ki ngah hi.

Ih pu ih pa ten hong gen suksuk uh, hih Thulupi ( 4 ) te zui-a Tuimang tangthu kip gelh ding ki thukim hi.

                               _____________________xxx___________________

Read More(Simbeh>>)

Tuimang Tangthu Pupi 8 te suan leh khak te Meeting na

 

Tuimang khua tangthu bawl ding Committee puakding vai ki kupna

Amun Pa Thang Cin Khual inn

Ani : 8 October, 2021

Meeting kahteng

1.       Pu Go Za Dal

2.       Pa Kam Cin Thang

3.       Pa Dam Khen Mung

4.       Pa Cin Za Mang

5.       Pa Piang Khan Khai

6.       Pa Thang Cin Khual

7.       Pa Pau Khen

8.       Pa Cin Khan Lian

9.       Pa Cin Khan Tung

10.   Pa Cin Za Nei

11.   Pa Dam Go Tuang

12.   Pa Hau Kap Thang

13.   Pa Thang Deih Cin

14.   Pa Pau Khan Sing

Thu kikup leh khensatte

Tuimang khua tangthu bawl nang committee puak ding Hausa pa hong zasak mah bangin hoih kisa in, ahi zongin Tangthu abul a kipan anuai a bangin sut ding thu sung phot in thukim zawh leh ih tangthu bawl ding ki thukim ciat hi. San zawhloh thukim zawhlohna aomleh Committee te zong puakloh pah ding ahihi.

 

1.       Tuimang khua pen Falam khua phuh hihna- ( Gam hawl kholhna pan )

2.       Khuasat pupi (8) teng:  

(1)    Tei Thang ( Guite)

(2)    Dong Khup ( Guite)

(3)    Vungh Tung ( Guite)

(4)    Phut Dam ( Neih Khup)

(5)    Lam Sual ( Suante)

(6)    Gen Tun ( Guite)

(7)    Ngoih Sut ( Guite)

(8)    Sum Lam ( Suan Khup)

3.       Falam uk hun sung Hausa Pu Tei Thang hi in, Ukpi gam hong ki khen khit ciang Pu Hau Cin Khup ( Sukte ukpi) nget bangin Sial khih nuamlo, bia nuamlo ahih manin, a inn ki phuksak a Bapi ah tai hi.

4.       Pu Hau Cin Khup tungah Pu Dongh Khup in Sial khat leh Dangka Rs/110 tawh khuatan in, a dam sung Hausa sem, a tapa Pu Sawm Khaw Thang khangah, Pu Khup Za Khen khangdong ah khang 3 ki zomin Hausa sem toto in, tuni dong khua kip in khangtoto hi. Pu Sawm Khaw Thang hun ah ( 1928) hon guk Mangkangte ( Falam D.C) panin gam laipi ki ngah hi.

Ih pu ih pa ten hong gen suksuk uh, hih Thulupi ( 4 ) te zui-a Tuimang tangthu kip gelh ding ki thukim hi.

                               _________________________________xxx______________________

Read More(Simbeh>>)

Tuimang khua in Ambulance Mawtaw ki neihta

 Tuzing 7:30Am pan 9:00Am, March 11, 2023 hunin Pa Dal Khan Thang te Inn ah Pawlpi ciatpan Siateng le upapi teng TCYA makai teng ZYA makai teng le khuasung kipawlna tuam'' pan makai zawdeuh teng in hunbawlna khat kinei hi.

 Pu Thang Za Gin taletu tengin AMBULANCE Hausapa tungah apna zong nei hi. Apia khia te ading le Motor ading zong thungetna nasia tak in kinei thei hi.

Camera Sut Tuang 

Read More(Simbeh>>)