Zomi tangthu ah a ki helzo phial dinmun ahi Malaysia Zomi Cup 2016 hun ki pat dingin Dr. Hau Za Cin in Honna leh Thukhun simna nei aa, a ki mawl ding khempeuh in zong zuiciat uhhi.
A tunga thutawh kisai in Malaysia Zomi Cup 2016 sungah Tuimang leh Gawngmual Quarter Final Februay 12,2016 in ki dem uh aa, Tuimang 1-0 Gawngmual ahihi. Ki mawl sungin Thang Muan Khai No.22(Tuimang) in David Kap No.10(Gawngmual) a khuttawh na tum kha hi. Phitmut(referee) in Thang Muan Khai No.22 pa pen Yellow card pia in, David Kap No.10 papen Fall lua deuh ci-in Phitmutpa in Tuimang lamte Thuman zaw ci-in Bawlung ngahsak suihsak hi. Tua zawh a sawtlo in Tuimang ten Goal khat in na zo uh hi. Bawlung a tawpdong ki mawl suaksuak uhi.
Bawlung ki demna hun khempeuh manta, ki mawl hun sunga buaina teng khempeuh Bawlung tual sungah Phitmutpa in siangsak khin in, a ki mawlte mipi khempeuh zong innlam ciahciatta uhhi. Gawngmual ten Tuimang te khat in a Khut hong zangh hi cih a khua nung-ah ZAM Board ah Laiphah uh hi. ZAM ten a khuakhua panin mi 2 ta Meeting ZAM ah nitak 7:30-9:00pm ZAM Board tengtawh sam uhhi.
Tuimang khua panin Andrew Kap ( Tuan Zom Kap) leh Kham Khan Khup na ki hel uh aa, Andrew Kap bang a tung masa lam-ah om pah in, ZAM makaipipa Hau Suan Khai in na khuapihte khat in a khut zangh ahih manin Gawngmualte tungah na thumpak un keiman hong vaihawmsak ning cih Andrew Kap tungah a zaksakvat ciangin Andrew Kap in Meeting a sapna thu, “Jan 25,2016 Zomi Cup 2016 Quarter Final kahding peuhmah holimna neihding”, acihtawh ki lehngat lua mahmah in Gawngmualte tungah Khialkha mah ung na cipah lian hi. Gawngmual tenzong maisak zolo hi. ZAM makaipi Hau Suan Khai genna ah na ki lemtuah thei hileh Thukhun zatkullo cih ahihi. Ki lemzolo ahih manin nitak ZAM board teng leh a khuakhua panin palai mi 2 tengtawh Thukhun 34 tawh ki tuaklo cih tawh thu na khentat uhhi. Tua sungah ZAM makaipa leh Gawngmual makaipi khauhlua mahmah ahih manin bangmah kicih theilo hi.
Thukhun 34 na ah Khutzangh aomleh a Teambup in suih theih nawllo ding aa, Sum Rm 400 liausak ding cih ahihi. Tuimangten khut a zat manin Teambup in khawlcip uh aa, Sum 400 liausak lo uhhi. Sumvai zong gennlo uhhi.
Zan nai 9:00pm meeting manta in, Leitungbup ki thuzakna tuamtuam ah Tuimang 1-0 Gawngmual cih ki gen kawikawi khin, amunmun panin Zan nai 9:00 zawhteh Tuimangten a zawh uh hangin suih theinawnlo ding cih thu hong gintakteh hih thu a za mi khempeuh in lamdang sa ciat uh aa, a diakdiak in Malaysia aom Tuimangmi aki mawl khempeuh leh mun tuamtuam aom Tuimang miten a thu ala a munmun ah ki kanpah aa, ZAM makaite zong ki contact pah hi. Thu khempeuh ni khat thu in ki kaihkhop zo paklo kikal leh Bawllung kidemna zong hong mansiangta hi.
Thu khempeuh aki kaihkhop zawh ciangin ZAM makaipipa 2016 thuhang hipen hi cihthu teltak in ki mu khiata hi. Hih vaitawh kisai in Leitungbup Tuimang miten makaite hong Simmawhna, Neu-etna, Bawlsiatna..cihte a thuak hihangin Thukkikloh ding lam Tuimangmi Sia leh makai lamten a munmun aom Tuimang mite kiangah vaikhak hi. Simmawhna bawlsiatna neu-etna a thuak Tuimang miten hong bawl Pasian tungah Thungen ni. Thukkik ding sawm keini. Thukkikna in Topa a hi cihtawh khitui tak keuhkeuh in amunmun aom Tuimang mite a tawldam thei penin ki om ciatta hi.
Thu khempeuh a kaikhawm..
Tuimang Media pawl
Tuimang Media pawl
( February 13,2016)
0 comments:
Post a Comment